السلام عليكم اخوتي واخواتي مشتركي منتدي امل ليبيا الكرام اقدم يسعدنس ان اقدم لكم قصيده للشاعر هيثم الحبوني بي عنوان ابروحي غريق
******************************
ابروحي غريق اوما امعاي انسان *** اولا ريت شاطي فيه بر امان
ابروحي غريق او ما اهناك اشاره *** امفيت القليل انحق ضي انواره
اوحتي كي انحقه من بعيد احكاره *** مسافه طويله غير ساع ايبان
او موج البحر عالن علي حصاره *** افوسط الغريق انحوس في الميزان
او كمين برمه هو برم تياره *** مابن ايهزن في صميمي شان
انصارع او نرقي والامواج ابشاره *** اوحد الرجيا انسير في طوفان
او ما القيت مركب ايشيلني مشواره *** ياخذ ابيدي شور شي عنوان
امفيت لوحه من هشاش انجاره *** تمسكت بيها نين جا بيان
كلامه امسطر من صميم افكاره *** او فيه المعاني اتنص في برهان
اومبدئ حياته في مسيرة كاره *** ما ايبع كنزه يوم لا ينهان
عنده خزاين رافعات اقداره *** لاهن ذهب لانوع من مرجان
ابروحي غريق اوما امعاي انسان *** اولا ريت شاطي فيه بر امان
ابروحي غريق اليوم في حوحايا *** اومنك افكاري رودن لي دايا
او هايم امعاك العقل في سهرايا *** ايريدك ادواي جرح في الاذهان
والخاطر ابقي من خيرة البكايا *** ايجنه اوقات ادير في بركان
او سحرني اشروق الشمس من البدايا *** او وان الغروب ايدير فيك الحان
اوصيفة جمال اجبال فيك احكايه *** اوهوجة امواج اتسير في وديان
ابروحي غريق اوما امعاي انسان *** اولا ريت شاطي فيه بر امان
******************************
ابروحي غريق اوما امعاي انسان *** اولا ريت شاطي فيه بر امان
ابروحي غريق او ما اهناك اشاره *** امفيت القليل انحق ضي انواره
اوحتي كي انحقه من بعيد احكاره *** مسافه طويله غير ساع ايبان
او موج البحر عالن علي حصاره *** افوسط الغريق انحوس في الميزان
او كمين برمه هو برم تياره *** مابن ايهزن في صميمي شان
انصارع او نرقي والامواج ابشاره *** اوحد الرجيا انسير في طوفان
او ما القيت مركب ايشيلني مشواره *** ياخذ ابيدي شور شي عنوان
امفيت لوحه من هشاش انجاره *** تمسكت بيها نين جا بيان
كلامه امسطر من صميم افكاره *** او فيه المعاني اتنص في برهان
اومبدئ حياته في مسيرة كاره *** ما ايبع كنزه يوم لا ينهان
عنده خزاين رافعات اقداره *** لاهن ذهب لانوع من مرجان
ابروحي غريق اوما امعاي انسان *** اولا ريت شاطي فيه بر امان
ابروحي غريق اليوم في حوحايا *** اومنك افكاري رودن لي دايا
او هايم امعاك العقل في سهرايا *** ايريدك ادواي جرح في الاذهان
والخاطر ابقي من خيرة البكايا *** ايجنه اوقات ادير في بركان
او سحرني اشروق الشمس من البدايا *** او وان الغروب ايدير فيك الحان
اوصيفة جمال اجبال فيك احكايه *** اوهوجة امواج اتسير في وديان
ابروحي غريق اوما امعاي انسان *** اولا ريت شاطي فيه بر امان